Halsey-i'n a hlaah John Mayer voicemail a dahtel

Halsey chuan Zirtawpni liam ta khan a studio album pathumna 'Maniac' a tlangzarh a, hetah hian hla 14 a dah a ni. A album tlangzarh tharah hian mi hrang hrang a thawhpuia, chung zingah chuan BTS member Suga leh Alanis Morissette-te pawh an tel. 

A fan-te'n Maniac album-a hla hrang hrang an han ngaithla kual a, a hla pakhat '3AM' chuan a fan-te beng a verh bik hle, a chhan chu he hla tawpah hian voicemail a awm vang a ni. A fan pakhat chuan Twitter-ah a tawpa voicemail awm chu a pa aw a nih leh nih loh a zawt a, Halsey chuan voicemail 'sweet' tak mai awm chu a ṭhianpa John Mayer aw a nih thuin a chhang a, hei hian social media lamah titi a luah zui hle.

"Keimah leh keimah ka inrin ngam hmain 'Without Me' hi a hlawh­tling dawn a ni tih a ring sa tawh a ni," tiin John Mayer-a'n a hla, Billboard hot 100 chart-a pakhatna a nihpui 'Without Me' a hlawhtlin a lo rinsa tawh thu a sawi chhuak a ni. Vociemail-ah hian Mayer chuan," I hla ṭha ber chu tuna radio-a awm mek hi a ni," tia sawiin a hla 'hit' a nih tawh reng thu a hrilh a, heihi Halsey hian a ngai hlu hle a nih hmel.

Mayer leh Halsey hi an inkawmngeih hle a niang, John Mayer instagram programme 'current mood with John Mayer'-ah pawh an inlan dun tawh a, mi tam tak chuan an inngaizawng nite pawhin an sawi hman hial!