Mr. Big-a an vocalist Eric Martin Aizawlah a rawn kal dawn

Mr. Big-a an vocalist, Eric Martin chuan tun Sahmulphah thla hian India-ah a rawn tour dawn a, a tour concert-na tur hmun zingah Aizawl pawh a tel. Ama website-ah pawh tour programme hi tarlang tawhin, Aizawl pawh a chuang vang tawh e.

Eric Martin hian November 5 khian Mumbai-ah concert a nei ang a, Pune, Bangalore, Chennai-ah te a concert hnuah November 15 khian Aizawlah a rawn concert dawn a ni. India hmarchhakah Guwahati leh Imphal-ah te a concert bawk ang.

Mr. Big hi kum 1988-a din a ni a, kum 2002 khan an chawlh zet hnuah fan-te ngenna vangin kum 2009 khan an insuihkhawm ṭha leh a, tour-te an nei nghe nghe. Kum 2014 khan 'The stories we could tale' album an tichhuak a, hei hi band anga an album tihchhuah hnuhnun ber a ni. Eric Martin hi Mr. Big an chawlh leh an intawhkhawm leh inkarah hian solo-in a kal a, Mr. Big-in album an tihchhuah hnu hian, band anga tihho an neih rih loh avangin a mal tlat leh rih a ni.