USD tld 4-in Ultimate Fighting Championship an hralh
Tunlaia sports ṭhangduang tak, Ultimate Fighting Championship chu USD tluklehding≠awn 4 zeta hralh a ni a, sports history-a urganisation hralh to ber a ni.
UFC hlutna hi a pung chak hle a, kum 2000 khan Lorenzo leh Frank Fertitta te unau chuan USD mtd 2 leka an lei kha a ni a, WME-IMG chuan USD tld 4 zetin an lei ta a ni. Fertitta te unau hian an share 80% an hralh a, a bak, share dang an la neihte erawh an la nei chhunzawm zel dawn a ni.
Tun Pathianni zinga insual kha Las Vegas-a T-Mobile Arena-a buatsaih a ni a, khatah khan ticket 18,000 an siam a, an hralh zo vek a, ticket aṭang ringawt hian USD mtd 10.8 zet an lalut a ni. UFC hi a ṭhang chak hle a, boxing pawh luahlan mai theia sawi a ni ṭhin.
UFC an tih hmasak ber chu kum 1993 khan, Denver-ah a ni. Hetihlaia an thil tum ber chu martial art chi hrang hrang zingah eng hi nge ṭha bera hlauh≠awm ber tih an hriat duh vang a ni. Hemi ṭum hian boxing thiam te, Brazilian jiu jitsu, sambo, wrestling, muay thai, karate leh Judo thiamte an tel a ni. A hnu zelah heta telte hian martial art dang an telh belh a, fighter pakhat ngawt pawhin martial art chi hrang hrang a pawlh ta a ni.
A tirah chuan rule pawh a tlem thei ang ber an hmang a, hei vang hian thuneitute ngaihmawh pawh a hlawh chho thuai reng a ni. UFC 12 New York-a an nghah tum pawh thuneituten an phal loh avangin Alabama-ah an nghah phah hial. A hnu zelah rule tam zawk an siam belh zel a, tunah chuan mipui hmuha pholan tlak a ni ta hial.