American Sniper Chris Kyle-a'n a uar hret em?

Bradley Cooper-a'n a lem a chan, American sniper ṭha, thi ta, Chris Kyle khan a chanchin a ziakah sipai chawimawina medal a dawn zat a tarlan leh a tak taka a dawn zat a inang lo. US Navy ten an chhui chiannaah Chris Kyel hian a uar hret niin alang.

Chris Kyle hian ama chanchin a ziak a, 'American Sniper' tiin a hming a phuah a, kum 2015 khan he lehkhabu hi movie-ah siamin, Bradley Cooper chuan a chang a, a hlawhtling hle a ni. He lehkhabuah hian Kyle hian Bronze Star panga leh Silver Star pahnih a dawng niin a tarlang.

US Navy chuan a medal dawn zat hi an chhui chiang a, hetiang zat zat a dawng lo tih an hmuchhuak. Navy chuan Kyle hian Silver Star pakhat leh Bronze Star pali a dawng zawk tih an sawi. A medal dawn chungchanga a lehkhabua a ziah lan hi a dik lo tih a chhungte an hriattir tawh a ni.