Box Office: Honest Thief-in The War with Grandpa dinhmun a ruk sak

Box Office-ah roreltu thar an awm leh ta a, Honest Thief chuan sum lalut tam berin The War with Grandpa chu pahnihna a ni ta a, Tenet chu pathumnaah a awm ve ta thung.

Honest Thief hi action thriller film a ni a, Mark Williams direct niin Liam Neeson chu achangtupa ber a ni a, hei vang hian kar tawp liam taa sum lalut tam ber a ni hi a mak lo hle. Open Road Films leh Briarcliff Entertainment-te chuan Zirtawpni liam ta khan theatre leh IMAX-a pek chhuah turin an tlangzarh a, a changtute pawh an ṭha hle.

Liam Neeson bakah hian Kate Walsh, Jai Courtney leh Robert Patrick te pawh an inlan a, theatre 2,425 aṭangin  $3,700,000 lai lalutin khawvel puma a sum lakluh chuan $mtd 5.5 a tling tawh a ni.

The War with Grandpa chu pahihna ni ve thungin Honet Thief a ngam ta lo a, theatre 2,260 aṭangin $2,506,523 a lalut a ni. Tenet pawh pathumnaah a tlahniam ve ta a, theatre 2,001 aṭangin $1,600,000 a lalut.

Box Office top 10-ah Honest Thief bakah hian film thar dang pathum lang a awm, 2-Hearts chu parukna a ni a, Love and Monsters chu pakuana niin The Kid Detective chu 10-na a ni bawk.

The Nightmare Before Christ­mas  (2020 Re-release) chu palina a ni a, Hocus Pocus (2020 Re-release) chu pangana a ni ve thung a ni.

1    Honest Thief    $3,700,000

2    The War with Grandpa    $2,506,523

3    Tenet    $1,600,000

4    The Nightmare Before Christmas (2020 Re-release)    $1,323,000

5    Hocus Pocus (2020 Re-release)    $756,000

6    2 Hearts    $522,937

7    The New Mutants    $468,278

8    Unhinged    $424,213

9    Love and Monsters    $255,000

10    The Kid Detective    $140,218