Amitabh leh Shillong Chamber Choir

Nimin aṭanga naktuk thleng awh hian Jodhpur-ah Jodhpur One World Retreat 2015 neih a ni a, hetah hian Amitabh Bachchan leh Shillong Chamber Choir-te an inlan. An pahnih hian nizan khan an zaiho a ni.

Jodhpur One World Retreat 2015 sum tuakna chi khat a ni a, Jodhpur maharaja, Maharaja Gaj Singh II-an ṭanpuitu pawl a din, Head In­jury Foundation tana sum­tuakna tur a ni.

He hunah hian ram pawn aṭangin Vienna Chamber Orchestra an sawm bawk a, hengte leh Amitabh-a te nen hian Shillong Chamber Choir hian hun an hmang a ni.

Maharaja fapa hi sa­kawr chung aṭanga tlain a lu a tihliam a, chu chuan a thluak a khawih a, hunrei tak chhung enkawl a ni. Hetiang thil thleng avang hian lua hliam tawrhin thluak a khawihte enkawlna tur lamah Maharaja hian ṭan a la a, foundation a din ta hial a ni.

Shillong Chamber Choir hi kum 2010-a India's Got Talent aṭanga rawn lar chhuak kha an ni a, US President Obama hmaah pawh an lo zai tawh a ni. He zaipawl dintu, Nongkynrih chu Padma Shri pek a ni nghe nghe.