Big Hero 6-in sum lalut hnem

Kum 2014 chhunga animated movie tihchhuah zingah Big Hero 6 chu sum lalut hnem ber a ni a, khawvel puma a sum lakluh zawng zawng hi USD mtd 620 zet a tling.

Big Hero 6 hian US-ah ringawt pawh USD mtd220 zet a lalut thei a, he film hi Walt Disney Animation Studios-in animated movie a tihchhuah tawh zinga US-a sum lalut hnem ber pathumna a ni.

Disney Animation Studio-in animated movie a tihchhuah tawhah, khawvel huapa hlawhtling ber chu Frozen kha a ni a, a dawtah The Lion King niin pathumna chu Tangled a ni. Big Hero 6 hi US pawn bikah chuan Tangled aiin sum a lalut hnem. China-ah ringawt pawh a hlawhtling hle a, he ramah hian USD mtd51 zet a hmu chhuak tling tawh bawk.

Ram danga a chet ṭhatna dang chu Korea, Russia leh Japan te an ni. Japan-ah phei chuan animated movie tihchhuah tawh zinga sum thawk chhuak hnem ber dawttu a ni tawh. He ramah hian USD mtd75 lai a thawk chhuak a ni. Malaysia, Vietnam, Thailand leh Indonesia-ah te animated movie tihchhuah tawha sum lalut hnem ber a ni bawk.