July Boxscore Report-ah Coldplay sang ber

British rock band, Coldplay chu Billboard July Top Tours chart-ah an sang ber. July thla chhungin show 11 neiin, ticket 575,000 an hralh a, USD mtd 72.2 an la lut niin Billboard Boxscore chuan a tarlang.

Coldplay hian 'Music of the Spheres World Tour' chu kum 2022, March aṭang khan ṭanin kum hnih leh a chanve chuang nei tawhin, continent pali leh show 156 an nei tawh. World Tour an neih mek hmang hian Monthly Top Tour chart-ah hian thla li chu a chung ber dinhmun an lo hauh tawh a ni. July 2022, March 2023 leh kumin January thlaah chart chung berah hian an lo awm tawh.

World Tour kick-off a nih aṭangin, Coldplay hian an tour aṭang hian August 25 thleng khan USD tld 1 an la lut tling tawh a, ticket hi mtd 9.3 an hralh tawh bawk. Boxscore history-a rock tour hlawhtling ber an ni a, Elton John leh U2 an pel a ni.

July Top Tours ranking-ah hian Bruce Springteen & The E Street Band chu pahnihna niin, show pakua an neih aṭangin ticket 500,000 an hralh a, USD mtd 65.4 an la lut.

July Top Tours ranking :
1. Coldplay
2. Bruce Springsteen & The E Street Band
3. Metallica
4. Karol G
5. Luke Combs
6. Dead & Company
7. Luis Miguel
8. Pink
9. George Strait
10. The Killers