McCartney-an Ringo Starr a lalut dawn

The Beatles member ve ve an ni a, mahse an inan lohna hi Paul McCartney hian a band mate Ringo Starr hi Rock and Roll Hall of Fame-ah a lalut ang.

April thla hian Cleveland-ah Ringo Starr hi Rock and Roll Hall of Fame-ah lakluh a ni dawn a, heta a laluttu tur chu a band mate Paul McCartney hi a ni. Starr hian kum 1988 aṭang khan the Beatles hi a zawm a ni. The Beatles member-te Hall of Fame-ah hian an lut nual tawh a, kum 1994 khan John Lennon chu lakluh a ni a, kum 1999-ah Paul McCartney lakluh leh a ni a, kum 2004 khan George Harrison lakluh a ni bawk.

Kumina Hall of Fame-a lakluh tur zingah hian rocker fam ta, Lou Reed te, Bill Withers leh Paul Betterfield te pawh an tel. Rock and Roll Hall of Fame-a lakluh tur hi music industry-a mithiam leh historian mi 700 rualten an ngaihtuah ṭhin a ni. Lakluh ni tur chuan a record, album emaw hla emaw, a tihchhuah aṭanga kum 25 tal a liam a ngai.