Film-ah Michael W. Smith

Kristian film hmuhnawm tak a ni leh ngei ang, chu mai bakah Gospel singer lar Michael W Smith a chan ve avangin en a chakawm lehzual. He film, Smith-a channa hi 90 Minutes in Heaven a ni a, best selling true story pawh ni hial, a hming ngai tho bu behchhana siam a ni.

He film hi Don Piper-a chanchin tak tak a bua an siam, 90 Minutes in Heaven behchhana siam a ni. Don Piper hi car-in a accident a, a thi hman a ni. Minute 90 chhung lai, darkar khat leh a chanve chhung lai a thi a, hemi chhung hian vanram a fang a ni. Pastor-in a ṭawngṭaisakna avangin a lo dam chhuak leh a, a thil tawn hian amah leh a nupui nun a thlak danglam hlawk. He film-ah hian Smith hi Cliff McArdle lemah a chang.