Coachella-a perform tur zingah Lauren Daigle
Khawvela rimawi kutpui lian ber zinga mi Coachella valley music and arts festival-a inlan tur zingah Christian pop artist Lauren Daigle a tel.
Coachella 2020 lineup hi kumtirah khan puan a ni tawh a, khawvel artist langsar tak tak inlan tur zingah Lauren Daigle pawh hi a tel a ni. Khawvel lam hla satu lar tak tak zingah Daigle inlan thei tur hi a hlu hle a, Coachella festival anga Gospel artist an inlan hi a tam vak lo ang. Rage Against the Machine, Travis Scott, leh Frank Ocean-te chu headliner tur an ni nghe nghe.
Lauren Daigle inlan niah hian Lana Del Rey, Lil Nas X leh Ocean-te pawh hi an inlan dawn a ni.
You Say hlawhtlinpuitu Daigle
Lauren Daigle hian 2018-a a hla tlangzarh 'You Say' kha a hlawhtlinpui hle a, Billboard Hot Christian Songs chart-ah kar 68 chhung zet No 1 a nihpui thei a, Christian music category-ah history ṭha tak a siam. Hei bakah hian a album Look Up Child chu tunhnai lawk khan RIAA Platinum Certification hlan a ni a, 'You Say' hian 2x Platinum Certification a dawng bawk.