YI Mizoram Chapter-in Baptist HSS-ah bootcamp neihpui

Young Indians Mizoram chapter chuan August 30, 2024 khan Baptist Higher Secondary School, Serkawn, Lunglei-ah India ram pumhuap school inelna tur Thalir Innovation Fest, Coimbatore-a neih tur atan bootcamp leh workshop a neihpui.

He hunah hian naupang thlan chhuah mi 100 te tan Design thinking workshop leh practical session neihpui a ni. Heng naupang aṭang hian competition-a mi 8 -10 thlan chhuah leh a ni dawn a ni. He hunah hian Lalrinnunga, Head of Business Development, Lailen chu resource person niin; Henry Lalbiakzinga, Entrepreneurship Chair, YI Mizoram chuan Entrepreneurial Mindset tih thupui hmangin thu a sawi bawk. National level competition hi ṭhuanghnih - Design Thinking Contest leh Science & Tech Expo anga kalpui a ni dawn a, state hrang hrang aṭangin school 1000 chuang an kalkhawm dawn a, Mizoram aṭangin school pahnih thlan an ni.