Anggu's Group-in chawimawina pe dawn

Anggu's Group in Mizo ṭhalai kum 25 hnuai lam, ram pawn thlenga mi hriat hlawha hlawhtling mekte hnenah chawimawina award a hlan dawn a, hlanna inkhawmah hian minister C. Ngunlianchunga chu khuallian a ni ang.

Anggu's Group of Faith & Hope chuan, July 15 hian Siby's Farm, Mualpuiah kum 4 a tlin a lawm dawn a, he mi rual hian Mizo ṭhalaite zinga Mizoram pawn thlenga sulhnu neia hlawhtlinna chang mek, kum 25 hnuai lamte hnenah cawimawina, Best Outstanding Awards a hlan dawn a, hengte bakah hian Anggu's Group hnuaia Unit hrang hranga lo tel tawh, an Promote zinga hlawhtlinna changa Mizo mipui ten kan hriat lar mekte hnenah Best Promising Awards a hlan ang.

Best Promosing Awards a hlan turte hi Nunui Sailo, Model 2013 Batch, Beautiful Skin, Miss Luit 2013, Sunsilk Mega Miss North East 2013-a top 5-a thlan lo ni tawh te, Vanlalnunpuii (Boihboihi), Miss Anggu's 2014 te, Zorinsangi Sailo, zaithiam, 2012-13 batch, Mizo Idol top 20 te, Rosleen Hmar, Model 2013 Batch, Sunsilk Mega Miss North East 2016-a top 20 tling phate an ni.

Best Promising & Outstanding Awards hi K-Pop Contest India, 2015-a thiam ber Frozen Crew hnenah hlan a ni ang. Best Outstanding Awards hi Emily Hmingthansangi, 2nd Runner Up, Sunsilk Mega Miss North East; Jeremy Hauhnar, Professional Fashion Photographer leh Director, North East Fashion Film; Lalrin Puia, Professional Table Tennis Player; Malsawmzuala Chhangte, Professional Footballer. (Bengaluru FC); Basil Khuma, Professional Tennis Player; Lalrintluangi, Everester; Lalawmpuia Chhangte, Outstanding Researcher for Mizo Photography & Videography te hnenah a hlan a ni ang.

Hengte bakah hian Music Domain Mizoram, Robert Romawia Royte, Lal Riliani, Zodintluanga leh Dr. Zoramdinthara te hnenah chawimawina hlan a ni bawk ang.

Anggu's Management hi Anggu's Group of Faith & Hope tia din
ṭhin a ni a, kum 16 hnuah Anggu's Management tiin June 30, 2016 khan thlan a ni a, he management hnuaiah hian peng hrang hrang a awm a ni.