Box office-ah Insurgent

Kum 2014 khan Divergent hlawhtling taka tihchhuah a ni a, a chhunzawmna an tichhuak leh a, awlsam takin box office-a pakhatna a hauh.

Divergent chhunzawmna The Divergent Series: Insurgent hian kar tawp chhung khan USD mtd54 a lalut a ni. Critical rating lamah chuan he film hi a sang vak lo a, 32% chauh a ni a, CinemaScore aṭanga entutena an rate-ah chuan A-minus zet a ni thung. US bakah ramdangah a hlawhtling hle a, Divergent aiin a hlawhtling zawk hle. Brazil, France, Britain-ah te chuan Divergent a khum hle a ni.

Kar hmasaa pakhatna Cinderella chuan pahnihna a hauh a, kar tawp chhung khan USD mtd34.5 zet a lalut thei. Pathumnaah Run All Night awmin kar tawp chhunga a sum lakluh hi USD mtd5.1 a ni. Movie thar, The Gunman a che chhe hle a, a siamtute beisei ai fein a hniam. Palina a luah pha hram a, kar tawp chhunga a sum hmuh hi USD mtd 5 chauh a ni.

"The Divergent Series: Insurgent" - $54

"Cinderella" - $34.5

"Run All Night" - $5.1

"The Gunman" - $5

"Kingsman: The Secret Service" - $4.6

"Do You Believe?" - $4

"The Second Best Exotic Marigold Hotel" - $3.4

"Focus" - $3.3

"Chappie" - $2.6

"The SpongeBob Movie: Sponge Out of Water" - $2.4