Hillsong United album a thar hnai leh tawh e

Worship music a nih tawh chuan Hillsong United hi sawi bàn theih an ni lo. Kum 2013 khan Zion album an tichhuak a, Billboard mainstream chart-ah pawh a lang pha a nih kha. Tunah album thar an buatsaih leh mek a, ngaihven a hlawh leh nghal hle.

Hillsong United album thar tur hi Empires a ni a, May thla aṭanga zawrh chhuah ṭan tura ruahman a ni. An album hminga Empires an vuahna chhan Joel Houston chuan sawiin, khawvel buaina leh lungngaihna thlenna hmun leh hrehawm kan rawrh ṭhinna hmun aṭanga mita hmuh theih loh, Lalram ropui tak thlir a, chu hmun chu a awm ngei a ni tih hriat theih nana album hming hi vuah an niin a sawi.

Hillsong United-ah hian member 11 an awm a, an vaiin hian sum hmuh tum emaw, hlawkna hmuh tum emaw ni loin, rawngbawlna a ni tih hriaa a peka inpe liau liau vek an ni. An music hian fak a hlawh a, khawvel pumah, Pathianni tin hian biak ina inkhawm mi maktaduai 30 chuangten an fak hla siam hi an sa ziah ṭhin anga chhut a ni.