American Sniper Indo Ṭhat lohzia lantirna film

Kumina movie hlawhtling ber pawl American Sniper hi mi tam tak chuan indona tihlarna hmanrua mai mai niin an sawi a, mahse he film siamtu, actor lar ṭhin Clint Eastwood chuan American Sniper hi indona duh lohna, ṭhat lohzia tarlanna niin a sawi.

Loyola Marymount University School-a Film & TV-a a inlannaah Eastwood hian American Sniper chungchang hi a sawi. "He film hi indonaa kal tawh sipai chawl ta, veteran te tan chuan film ṭha tak niin ka hria. He film hian an nuna an lo paltlang tawh thil a tarlang a ni. He film hian stress an neih chungchang leh an nuna harsatnate a tarlang bawk. Chu bakah chuan indona ṭhat lohzia a tarlang tel bawk a ni," a ti.

American Sniper hi US Navy SEAL Chris Kyle chanchin behchhana siam a ni a, silai a kahthiam avangin mi tam tak nunna, a ṭhiante nunna a chhan a, hei vang hian a hming lemah Legend an ti hial. Indona aṭanga US a haw hnua a nuna hrehawmna hrang hrangte tarlan a ni.