India mite'n 2019 chhungin Mobile app-ah $mtd 120 hmang

Times of India-in AppAnnie data aṭanga report a tihchhuahah 2019 chhung khan India rama mobile phone hmangtute chuan mobile application tluklehdingawn 19 vel zet an download a, 2016 data nena khaikhin chuan 195% zetin a tam.

India ram hi tun dinhmunah chuan khawvela app downlaod kawnga market lian ber dawttu a ni tawh a, 2016 data aṭanga chhut chuan hemi kawnga a ṭhanna hi a nasa hle. India bikah chuan app download 195% zeta a pun lai hian, khawvel pumah chuan 45% chiahin a pung, US-ah phei chuan 5% chiahin a pung a, China-ah pawh 80%-in a pung bawk a, India hi a sang fal hle.

Nikum chhung khan khawvel puma mobile phone hmangtute chuan app tld 204 vel an download a, heta ṭang hian $tld 120 vel sum lakluh a ni. Heta ṭanga 40% vel zet hi chu China lakluh a nih thung a, mobile app market-ah chuan khawvelah ro a rel mek. Hetihlai hian India mi mobile app hmangtute chuan $mtd 120 an hmang a, China nen chuan an la inthlau hle a ni. Mobile app-a sum hman tamna ber hi subscription apps-ah a ni a, sum lakluh aṭanga 95% vel zet chu heta ṭanga lakluh hi a bawk.

Mobile gaming apps-ah chuan, India ramchhung bikah chuan PUBG kaltlangin sum chevel a tam ber a, download tam ber erawh Carrom Pool a ni thung. Google Pay, , MX Player leh TikTok-te chu nikum chhunga India rama app lar zual a ni a, AppAnnie tarlan dan chuan India mite chuan nikhatah darkar 3.5 mobile khawihnan an hmang niin a chhut.