Khiangte Construction Ṭhazual Gospel : Seraphic Choir in hma an hruai

Khiangte Construction Ṭhazual Gospel chart-ah Seraphic Choir chuan 'Chawimawina leh lawmna' tih hmangin hma an hruai.

Seraphic Choir hian he hla hi July 21, 2024-a an tih chhuah kha niin, Ngurnuntluanga lehlin a ni. Music hi Chd-a Vh leh Rem 'To Coda' (bass) te kut chhuak a ni a, recording hi Seraphic Records-a an tih a ni bawk. Video hi RDS Shots Video Production in a siamsak a ni a, drone aerial filming hi Malsawm (MDS Production) kut chhuak a ni bawk.

Seraphic Choir hi kum 2016, July 25-a din niin an director hi Lalchhandama, Venghnuai a ni a, member-te chu - Marilyn Lalnunthari, Tuikual North; Ngursangzuali, Salem Veng; H.C Lalhlimawmi, Venghnuai; TBC Ramthianghlima, Zotlang; Lalngaihzuala Fanai, Khatla South leh Ngurnuntluanga, Kulikawn West te an ni. Zaia rawngbawlna kawngah an thawh hlawkin sawm an hlawh hle. An zai a nungin ngaithlatute rilru a hneh a, an music video ho pawhin thlir leh ngaihthlak an hlawh hle zel a ni.

Malsawmdawngzuali 'Ka mawina Isua' chu No 7 aṭangin No 2-ah a rawn chho bawk a, he hla hi ama phuah niin, music hi Dama Ralte siam a ni. Mizo mipa gospel artist kan neih ṭhat zinga mi, Zorinsanga Sailo chuan a hla thar, 'Min hruai turin ka thlang ber che' tih chu hma rawn sawnpui zelin No 3-ah a rawn lang bawk. Ablaze ' I thisen vangin' tih leh, Thawhlehnaniropuia 'Ni tla ngailo Zion Khawpui' chu Top 5-ah an lang bawk a ni.

Ṭhazual Gospel Top 10-ah hian One in Christ, Angaihtei & Mama Hlonchhing, Benjamin Zawlneisanga te an la lang chhunzawm a, hetih lai hian Electric Veng KṬP chu an rawn lang thar ve bawk.