ENHYPEN in "WALK THE LINE" World Tour nei dawn

South Korean boy band, Enhypen chuan "Walk The Line" world tour an nei dawn tih an agency, Belift Lab chuan nimin khan a puang.

ENHYPEN hian world tour vawi thum an neihna tur niin, Oct. 5 leh 6-ah Goyang Stadium, Gyeonggi-ah bul an ṭan dawn. He mi hnu hian Japan lamah chhunzawmin, Nov. 9 leh 10 ah Saitama leh Dec. 28 leh 29-ah Fukuoka leh January 25 leh 26-ah Osaka-ah tour hi an nei dawn a ni. "Walk The Line" tour hi "Fate Plus" tour Miyagi, Japan-a January thlaa a kharna an neih aṭanga thla kuaah an nei leh dawn a ni. 'Fate Plus' tour thla sarih an neih chhung khan khawpui 12-ah an fan 237,800 te hmaah an perform tih Belift Lab chuan an tarlang. August 9 khan Jakarta, Indonesia-ah 'The City' festival an host bawk. ENHYPEN hian an album full-length pahnihna, "Romance : Untold" chu July thla khan an ti chhuak a, tlangzarh ni hian copy mtd 1.88 hralhin, kar khat chhungin copy mtd 2.3 an hralh hman bawk.