Shilpa-te lakah FIR an thehlut

Bollywood actress Shilpa Shetty-te nupa chu invest thilah an intiam angin thil an ti lo a ni ang, FIR anmahni kalha thehluh a ni.

Private company pakhat chuan Inrinni khan Kolkata Police stattion-ah FIR hi thehlutin, Shilpa Shetty leh a pasal, Ripu Sudan Kundra, Raj Kundra tia hriat larte hian an bum niin an tarlang. Shilpa Shetty te nupa company, Essential Sports Private Ltd (ESPL) ah cheng vaibelchhe 9 an invest tih an sawi a, sum an invest hi kum hnih hnuah a let sawmin a pung ang tiin an sawi a, mahse a pung leh si lo ni âwm a ni.

FIR-ah hian an inremna anga awm lo, sum chheprelh, inbumna leh inphiarrukna te awm anga tarlan a ni. FIR thehluttu hi M K Media Private Limited niin Kolkata-a innghat a ni a, an chairman hi Manoh Jain a ni.