Miss Universe Japan an sawisel

Japan aiawha Miss Unverse-a lang tur, Ariana Miyamoto chu thlahpawlh a nihna chungchang avangin an sawisel nasa hle. A Japan tawk lo tiin an sawisel.

Ariana Miyamoto hi a nu chu Japanese dik tak a ni a, a pa erawh chu African-American a ni thung. Social media lamah an sawisel nasa hle a, Miss Universe aiawha Japan tana chhuak tur hian a Japanese tawk lo a ni, an ti. Haafu an tih mai, Japanese leh hnam dang thlahpawlhin an ram ai a awh tur hi mi tam tak chuan hriatthiam har an ti hle a ni.

Ariana hi Nagasaki-a piang leh seilian a ni. Sasebo Junior High School aṭanga a zir chhuah hnuah US-ah lehkha a zir chhunzawm a, chumi hnuah Japan-ah hian kir lehin modelling lamah a kal chhunzawm ta a ni. Japanese passport a nei a, Japanese-in, pai miah loin a ṭawng thei a, Japan kutziakthiam zirnaah fifth degree thleng a zo bawk. Zin chhuah leh ei rawngbawl chu a nuam tih ber zinga mi a ni.

An kawmnaah a ngaihsan ber chu Mariah Carey a ni tih a sawi a, zaithiam lar leh khawvel hriat a nih hmaa a nuna harsatna a tawh tam takte a paltlanga a hneh thei chu ngaihsanawm a ti tih a sawi.