Fast & Furious 7 a hlawhtlin an ring

A hlawhtling tura ngaih a ni hrim hrim. A film kalhmang piahlam mai bakah, he film a chan laia thi ta, Paul Walker avang ringawt pawhin Furious 7 hian ngaihven leh ngaihhlut a hlawh ngei ang. He film siamtute pawh hian box office-ah a hlawhtlin an ring.

Analyst leh critics-te chuan Fast and Furious 7 hian box office-ah opening week-ah USD mtd 115 a hmuh tlin an rin a, a siamtu, Universal pictures chuan USD mtd100 vel a hmuh an beisei thung. An beisei ang zat a hmu a nih ngat chuan April thlaa movie tihchhuah zinga sum lalut hnem ber a ni thei dawn. Tuna April thlaa film tihchhuah zinga sum lalut hnem ber chu nikuma tihchhuah, Captain America: The Winter Soldier kha a ni a, opening week khan USD mtd95 a lalut.

Furious 7 chan laklawh lai hian Paul Walker thi mah se, a thu kalhmang tlem siam danglamin chhunzawm leh a ni a, an tizo. Paul Walker-a unaupain Paul-a chan tur ṭhenkhatte a chansak chhunzawm a, mahse a hmai erawh an bel a ni.