Ninja Turtles siam leh dawn

A hlawh­tlin hi chuan a dang hi a chhuak leh thuai ṭhin. Chutiang bawk chuan Teenage Mutant Ninja Turtles pawh a hlawhtling a, a film dang a chhuak leh dawn. A chhuak leh dawn mai a ni lo, April thla aṭang hian an chang ṭan leh tawh ang. Engtikah nge theatre-ah an tihchhuah ang tih erawh hriat a la ni lo.

Teenage Mutant Ninja Turtles chhunzawmna siam leh tur hian USD mtd70 vel sên an inbeisei a, New York leh Buffalo velah an chang ang. New York khawpui pawhin he film siam nana an khua an hmang tur hi an lawm hle a, an mayor, de Blasio chuan movie lian tak tak an siam avang hian New York khawpuiah mi tam tak chuan hna an neih phah leh ngei dawn niin a sawi.