CMA Award nomination list-ah Chris Tomlin

7th September, 2020

Grammy award hial pawh lo dawng tawhtu Christian music artist Chris Tomlin chu a vawi khatna atan Country Music Association (CMA) Award nomination list-ah a hming a lang.

Thomas Rhett-a hla 'Be A Light'-a a zaipui avangin Tomlin hming hi a lang a, he hlaah hian Reba, Hillary Scott leh Keith Urban-te nen Rhett hi an zaipui a ni. Music Event of the Year category-ah he hla hi a lang.

Kumtina sem ṭhin CMA Awards vawi 54-na hi November 11-ah ABC-in live-in a pe chhuak dawn a ni.

Tomlin pawh hian CMA nominee zinga a tel ve chu lawmawm a tih thu sawiin 'Be A Light' chu tun ang boruak kara thuchah ṭha tak keng hla a nih thu a sawi.