Pacman leh Tebow-te an inhmu

Floyd Mayweather nena inhnek tura inbuatsaih mek, Pacquiao leh American football huang chhunga mite hriat hlawh leh hlawhtling ṭhin, Tim Tebow te chu tunhnai khan an inhmu a, thil hrang hrang an sawi dun a, Pathian thu pawh an sawi dun nasa hle.

Pacquiao hi Kristian ṭha tak a ni a, a pianthar dan chanchin pawh a sawi nasa ṭhin a, khawvelin hria se a tih ber chu chhandamna kawng khat chauh a awm a, chu chu Isua Krista hi a ni tih hi a ni. Tim Tebow, American footballer lar hi a nu leh pa missionary an ni a, missionary-a an thawhna hmun, Philippines-a piang a ni. Hei vang hian Pacquiao nen pawh hian an inhriat phah hle.