Man Booker thlang mek

Ziaktu ṭha leh lar, khawvelin a ngaihsan Man Booker chu thlan leh mek a ni a, tunah hian a ṭhazual 10 thlan chhuah a ni tawh.

2015 Man Booker International-ah hian a hmaa la lang ngai lo lang pawh an awm a, chu chu Guadeloupe-a mi a ni. Man Booker prize dawngtu hian £60,000 pawisa faiin a dawng ṭhin a, kum khat dana thlan ṭhin a ni. Fam tawh hnenah hlan a ni ngai lo a, fiction huang chhunga mi, English-a ziak emaw, English-a lehlin, hmuh mai awlsam tak aṭangin thlan a ni ṭhin.

Kumina Man Booker Interna­tional dawng thei tura mi 10 an chhawp­chhuahte hi César Aira (Argentina); Hoda Barakat (Lebanon); Maryse Condé (Guadeloupe); Mia Couto (Mozambique); Amitav Ghosh (India); Fanny Howe (United States of America); Ibrahim al-Koni (Libya); László Krasznahorkai (Hungary); Alain Mabanckou (Republic of Congo) leh Marlene van Niekerk (South Africa) te an ni. 2015 Man Booker winner hi May 19 khian London-ah an puang ang.