Fashion Fusion Zaninah

Mizorama mumal taka fashion event buatsaih zinga lian ber leh pui berte zinga mi, Fashion Fusion 2015 chu zanin hian Lal Thanhawla Auditorium, Congress Bhavan-ah neih a ni tawh dawn.

Tun Fashion Fusion-ah hian zirlai 26 ten collection panga hmangin an kutchhuak an entir dawn a, model 26 ten an kutchhuak hi an hak chhuahsak ang. Kuminah hian fusion wear-ah History of Fashion tih hman a ni a, hmanlai fashion rawn inthlak chhoh leh ṭhan chhoh dan leh, zirlaite mithla leh ngaihtuahna hmangin fashion phochhuah a ni dawn. Essy leh tunlai zaithiam dangte an inlan bawk ang.

Zanin hian mi 100 tan ticket an siam dawn a, entry ticket hi Rs 200/- man niin Vakiria, Lalbuaia Shopping Complex leh show neih dawnin a hmunah lei theih a ni ang.