Lunglei-ah dog show

Vawiin hian Lunglei Kennel Club buatsaihin Lunglei Lunglawn Mualah Dog Show neih a ni dawn a, hetah hian ramdang ui chi hrang hrang te bakah Zo ui, uisathiam te, ui khawifinte entir a ni ang.

Dog Show-ah hian Pure Breed hrang hrang ten an breed tin ṭheuhah inelna an nei ang a, pure breed ni lem lo, thlahpawlh (Cross Breed) ho leh Zo Ui te an category ṭheuhah an inel dawn bawk a ni. He inelna hi thiam thil eng emaw lam ni loin hrisel leh pian ṭha aṭangtea teh tur a ni. Dog Show atan hian Aizawl aṭangin Kennel Club of Mizoram (KCM) in judge tur a ngaihtuahsak ang.

Inelna bakah hian he Dog Show tihlungtu tur leh mipui mit titlai turin ui fing hrang hrang, Mizoram hmun hrang hrang aṭangin thiam thil show turin an kal dawn. Ui show-ah hian free clinic buatsaih nghal a ni dawn a ni.