Box Office: "Deadpool & Wolverine" nek chhuak thei la awm lo

North American box office-ah "Deadpool & Wolverine" nek chhuak thei an la awm lo a, kar liam ta chhungin USD mtd 15.2 lak luh belh lehin No 1-ah a awm chhunzawm zel.

Hugh Jackman and Ryan Reynolds channa, "Deadpool & Wolverine" hi kar ruk liam taa tlangzarh kha niin, kar nga chu No 1 a ni tawh a ni. North America-ah USD mtd 603.8 la lut tawhin, khawvel huapa a sum hmuh chhuah hi USD tld 1.25 a tling tawh bawk. Superhero film zingah North America-a USD mtd 600 la lut tling parukna a ni a, kumina film chhuak zingah sum la lut tam ber a ni tawh bawk.

USD mtd 9.3 la luttu, "Alien: Romulus" chu No 2-ah a awm bawk. "Alien" franchise seventh installment sum lak luh zawng zawng hi USD mtd 283 a tling tawh a ni. Kuminah horror movie zingah sum la lut tam ber a ni tawh.

Tpo 5-ah hian "It Ends With Us", "Reagan" leh "Twisters" te an lang bawk. "Reagan" hi US President hlui, Ronald Reagan biopic niin, tlangzarh karah USD mtd 3.7 a la lut a ni. He film hi “The Crusader: Ronald Reagan and the Fall of Communism” lehkhabu behchhana siam a ni.