Playstation-in Concord a ti tawp leh nghal

Playstation chuan first-person hero shooter game, Concord chu tlangzarh aṭanga kar hnih hnu, September 6 aṭangin a ti tawp leh nghal dawn tih a puang.

Company chuan Thawhlehni zan khan hemi chungchang hi an blog-ah puangin, September 6 aṭangin he game hi lak thlak a ni dawn tih a sawi. Hei hi player lam aṭanga feedback a ṭhat loh vang niin game director Ryan Ellis chuan a sawi a, game quality chu player lamin an duh khawp lo a, anmahni ngei pawhin an launch tirh aṭangin an beisei ang a nih loh thu a sawi. Concord hi August 23 khan an launch a, an tih chhuah ni hian Steam-ah player 700 pawh tling loin khelin, nitin a khel zat hi an tlahniam zui a ni. Company lamin tihtawp a nih tur thu an puan hma lawk hian he platform-a Concord khel hi 100 an tling pha ṭawk a ni. A copy hi 25,000 vel hralh nia sawi a ni bawk.