October-ah Lady Gaga single

Lady Gaga chuan a studio album pasarihna a tih chhuah tur aṭangin, October thla hian a single hmasa ber tih chhuah a tum tih a sawi.

Album thar a siam tur chungchang hi Gaga hian a hma pawhin a lo sawi lang zauh zauh tawh a, kumin May thlaa tlangzarh, Gaga Chomatical Ball concert film tawpah khan record thar a siam tur hi "LG7 GAGA RETURNS" tiin a tarlang a ni. 2024 Paris Olympics opening ceremony-a a perform hnuah, a hotel kawta a fan awmte bulah a album thara a hla pahnihte snippet a lo play tawh bawk. Album thar a buaipui mek karah hian tun hnaiah Bruno Mars nena 'Die With a Smile' chu a ti chhuak a, Billboard Hot 100-ah No 3 a kai a ni. Mahse he hla hi album tharah hian dah a tum lo.