Vanapa Hall-ah Concerto

Zanin dar 7:30 aṭang hian Vanapa Hall-ah Concerto buatsaih leh a ni dawn a, hetah hian Puipuia, RSA, ZTPA, Toya Renthlei leh John Tetea te an inlan ang.

Musical event, mite ngaihhlut tak Concerto-ah hian entry Rs. 300 a ni dawn a, musician-ten an thiam an show leh dawn a ni. ZTPA hi tunlai Mizo guitarist neih lar leh ṭhat zinga mi a ni a, Ritchie Blackmore, Steve Morse, John Petrucci, Joe Satriani, Andy Timmons, Maitawka, Hmingpuia, David Z Hmar leh LV Dawnga te chu guitarist thiam a tihte an ni.

Toya Renthlei Marco Sfogli, Greg Howe, Dream Theater, Shawn Lane, Frank Gambale, Haji's Kitchen te a ngaithla ṭhin a, tun Concerto-ah hian The reaction, Amen leh a dangte a play ang. John Tetea hi drummer ṭha berte zinga mi a ni a, Fusion, funk, rock te a ngaina a, zanin hian Martin Miller-a An End Itself, Dennis Chamber 'Pick Hits' leh a dangte a play dawn a ni.

Puipuia hi violinist a ni a, The Jagglers-a mi kha a ni. Celtic music leh traditional Irish music a ngaithla nasa a, Mizoah chuan violinist kan neih ṭhat pawl tak a ni. RSA hi kan hria a, Boomarang-a an drummer kha a ni a, a neu lo.

RSA chuan, "Concerto an buatsaih hi a ṭha ka ti a, talent phochhuahna remchang an siam hi a nachang an hre hlein ka hria a, a buatsaihtute ka fak. Theihtawp ka chhuah dawn a ni," a ti. Puipuia, violinist a phur tawh khawp mai a, "Concerto-ah ka play dawn tih ka hriatin ka phur hle a, eng nge ka play ang tih ka ngaihtuah nghal a ni," a ti. "Ka music kalphung kha Irish folk tawpa kalpui ka duh avangin original pawh Irish thei ang ber turin ka phuah...a rang leh muang, minor leh major a awm dawn," a ti, ngaihthlak a chakawm viau tawh a ni.

"Ṭhangtharte tana kawng hawntu, mithiamte inphochhuahna tur hmun leh hun remchang a la ni chho zel dawnin ka hria a, Concerto hi ka hlut hle a ni. Ka play-na hmun tur ka hria a, ka ṭang a, duhthusam anga inpuahchahna hun nei lo mah ila, ka theihtawp ka chhuah a ni," tiin Toya Renthlei chuan a sawi. ZTPA chuan, "Music play ka chak leh duh em em ṭhinte play ka tum a, ka inzir nasa tlauh tlauh khawp mai. Concerto hi a ṭha a, a ropui ka ti hle," a ti bawk.