A Ṭhianten Malik an hrethiam

One Direction a chhuahsan thuin khawvel a chiah nghal a, khawvel mipuiin an ngaihven. A mimal nun pangngai taka hman a duh vang a ni tih One Direction member dangte chuan an sawi. Hei bakah hian Zayn Malik-an an band a chhuahsan chungchangah a band mate-te hian an hriathiampui hle tih an sawi bawk.

Tarlan tawh ṭhin angin Zayn Malik hi tunhnaiah a hmingchhe hle. A bialnu, Perrie Edwards chu hmeichhe dang nen a kawp niin an sawi a, tour an neih laiin an tour aṭanga a chawlh thu a puang pawh a chhan ber chu hetiang thuthang a awm vang niin an sawi.

One Direction-ten Zayn Malik a chhuak tih an puan hnuah Zayn Malik hi an hrethiam a, an duhsak hle a ni tih an puang chhuak leh. "Zayn-a a kal chhuak ta mai hi keini tan chuan a hrehawm hle a ni. Kum nga chhung kan hun hmanho tawhte a nuamin, a ropui a, thil tam tak kan tawng tlang a ni; kan ṭhianpa, kan ṭhian ṭha a la ni chhunzawm zel dawn. Midang paliin kan la chhunzawm zel dawn a, album tharte pawh kan la siam leh dawn a ni," an ti.

Zayn-a thutlukna siam chu ngaihthlak hrehawm an tih rual rualin, a thutlukna erawh an zahsak hle tih an sawi a, a kal zelna turah duhsakna an hlan. Milar leh mite hriat hlawh anga hun hman hrehawm a ti tih One Direction-te hian an sawi a, nun pangngaia nun a duh niin an sawi bawk. Zayn Malik hian awm loh hnua One Direction concert-na Jakarta-ah a ṭap a, Zayn chhuah vang nia ngaih a ni.