Pokemon Go-in sawi a hlawh
Hriselna atan a ṭha tia mi tam takin an sawi mek laiin, mobile game chhuak thar Pokemon Go avanga harsatna tawk pawh an awm zel. Hmun hrang hrangah sawi a hlawh chho hle.
US-ah chuan an buaipui zual hle a, he game kheltute hian Pokemon man an tumna lamah hmun kilkhawr tak takahte an kal a, buaina an tawh phah a ni. Ma≠ryland-a College Park-ah university zirlaiten he game khela an kal kual an kal kualnaah mi pakhat silai kengin a lo ch‚ng a, a lo rawk a ni. California-a Antelope hmuna he game khel mi pahnihte pawh misual pakhatin a suam bawk. Wyoming-a nula kum 19 mi chuan Pokemon man tuma Big Wind lui bula a kalnaah mitthi ruang a hmuh phah.
US-ah hian he game avanga motor chetsualna thleng pawh a awm nia sawi a ni a, motor dah phal lohna hmun, a khalh≠tuin Pokemon man a duh avanga motor a hnut≠chhiah ngawtte pawh a awm bawk. Mi pakhat chuan he game khelh pahin motor a khalh a, thingkung a sut phah hial. Washington DC-a US Holocaust Memorial Museum-a thawkte chuan mipuite chu he game khel lo tur leh, an phone
aṭang≠a uninstall turin an ngen hial.