Rio-ah Bundchen inlan dawn

Brazil khawpui Rio chuan August 5-21 chhung hian khawvela infiamna khawmpui lian bera ngaih Summer Olympic a thleng dawn. Maracana Stadium-ah a khuhhawnna host tur chu tu dang ni loin supermodel hlui Gisele Bundchen niin tualchhung chanchinbu 'Extra' chuan a tarlang.

Kum 35-a upa Bundchen hian nikum khan catwalk lam a chawlhsan thu lo sawi tawh mah se a hming-
ṭhatna a la nep thei chuang lo. Khawvela model sum lalut hnem ber pawh lo ni tawh hi infiamna lama a vawi khat inlanna tur a ni lo - 2014 FIFA World Cup an ramin an thlen ṭuma Germany leh Argentina ten final an khelh ṭum khan lawmman sem naah a lo inlan tawh bawk.

Feet 5 leh inches 11 a sang Bundchen bakah hian Brazilian musician Samba, singer Elza Soares leh Brazilian popstar Anitta bakah political activists Caetano Veloso leh Gilberto Gil te pawh an ramin Olympic an thlen tur khuhhawnna huna inlan tur zinga mi an ni.