Billboard 200: No 1-ah Sabrina Carpenter "Short n' Sweet"

American singer, Sabrina Carpenter album thar, 'Short n' Sweet' chu Billboard 200 album chart-ah No 1-ah a lang a, chart chung ber dinhmun luah thei album a neihna hmasa ber a ni.

Kum 25 mi, Sabrina hian "Short n' Sweet" hi August 23 khan Island Records kaltlangin a tlangzarh a,a studio album parukna a ni. Kar liam ta chhung khan US-ah equivalent album unit 362,000 neiin, album-a hla 12-te hian on-demand official stream mtd 233 hu neiin, album sale hi 184,000 a tling bawk.

Travis Scott (II) 2014 mixtape "Days Before Rodeo" chu No 2-ah a rawn lang a, chart Top 5-ah album lang thei panga a neihna a ni. He album hian equivalent album unit 361,000 a nei. Chart hmasa lama No 1 hauhtu, Post Malone "F-1 Trillion" chu No 3-ah a tla thla thung a, kar liam ta chhungin equivalent album unit 111,000 a nei.

Chappell Roan "The Rise and Fall of a Midwest Princess" pawh No 2 aṭangin No 4 ah a tlahniam a, No 5-ah Morgan Wallen "One Thing at a Time" awmin, kar 15 chung No 1 dinhmun hauh thei, Taylor Swift "The Tortured Poets Department" chu No 6-ah a awm bawk.