Siampuia Ralte MV thar "Lengi" a chhuak dawn

Mizo hmeichhe lengzem artist kan neih ṭhat zinga mi, Siampuii Ralte chuan zanin hian music video thar, "Lengi" a ti chhuak dawn.

Siampuii hian zirna lama a buai deuh avangin kum khat chuang music video a ti chhuak tawh lo a, zaninah hian hla thar min rawn chhawpchhuah sak thei dawn ta a, a nghahlhelhawm tawh hle. A hla thar, 'Lengi' tih The Radio vocalist Philip Lalremruata phuah a ni a, music hi Smiley siam niin; video directing, shooting leh editing hi Reuben Malsawma (Zothlir) kut chhuak a ni a, a ni hi sulhnu nei ṭha tak niin zaithiam lar dangte music video pawh a lo siamsak fo tawh. VFX hi Demix siam a ni thung. 'Lengi' music video hi zanin dar 7-ah Siampuii Ralte YouTube channel-ah tih chhuah a ni ang.