Adele concert ticket man a sang chak

British singer, Adele-i'n hun rei tak rimawi lamah reh a tum tih a sawi hnuah, November 23-a concert a neih tur ticket man a sang chak hle.

Adele hian a chawlh lailawk hmaa a concert hnuhnung ber tur hi November 23 hian Las Vegas khawpuia Ceasars Palace-a The Colosseum-ah a nei dawn a ni. A dan pangngaiah chuan ticket man hi regular tan USD 400 leh VIP pass tan USD 1,000 a ni ṭhin. Mahse a chawlh tur thu a puan hnuah heng ticket man hi USD 17,050 leh USD 18,766 ah te a kai chho tawh a ni. Adele hian August 31-a Munich residency a neih tawpnaah khan chawlh a mamawh tih hi a sawi a, album thar siam tumna pawh a neih rih loh thute a sawi a ni.