Rainbow member Jung Yoon Hye in pasal nei dawn

South Korean girl group, Rainbow member Jung Yoon Hye leh South Korean actor, Ahn Jae Min te chu October thlaah an innei dawn.

Jung Yoon Hye hian pasal a neih tur thu hi a social media-ah a rawn puang a, pasal a nei mai tur chu amah pawhin mak a ti viau chungin a phur tawh hle tih a sawi. Jung Hoon Hye hi Rainbow member zinga pasal nei tur pathumna a ni a, a hmain Jisook leh Go Woori ten an lo nei tawh a ni. Kum 2009 khan Jung Yoon Hye hi Rainbow group-ah hian debut in, acting lamah pawh a kal tel a, KBS2 drama 'Through the Waves' leh MBC series 'The Great Wives' ahte a chang. A pasal tur, Ahn Jae Min hi 2003-ah drama 'Screen' ah a inlan hmasa ber a, a film channa dang zingah hian 'Ghost Over Flowers' leh 'One Summer Night' te pawh an tel.