BFI London Film Festival-ah 'Superboys of Malegaon'

68th BFI London Film Festival-a screen tur zingah India film, 'Superboys of Malegaon' chu thlan tel a ni. He thu hi producer Zoya Akhtar chuan a Instagram-ah a rawn sawi a ni.

'Superboys of Malegaon' hi Maharashtra-a Malegoan khuaa thil thleng tak tak behchhana siam a ni a, Adarsh Gaurav, Vineet Kumar Singh, leh Shashank Arora te an chang.

BFI London Film Festival-ah hian October 10-ah Vue West End leh October 12-ah Curzon Soho ah tih chhuah a ni ang. September 13-a Toronto International Film Festival-ah pawh tih chhuah a ni dawn bawk.