Studio lamah Justin Bieber a kir leh ta

Canadian star, thla hmasa maia fapa nei thar, Justin Bieber chuan kum thum chhung rimawi thar a tih chhuah loh hnuah studio lamah a kir leh ta a, indie singer-songwrite Mk.gee a thawhpui dawn a ni.

Tun hnaia interview a neihah, Mk.gee (Michael Gordon) pawh hian Bieber nen an thawhdun tur thu hi a lo sawilang tawh bawk a ni. Bieber album hnuhnung ber, "Justice" chu kum 2021-ah chhuak in, world tour a nei zui bawk.

Mahse June, 2022 khan Ramsay Hunt syndrome a neih vangin a tour neih tur eng emaw zat chu a cancel a ngaih phah a, hemi kum vek September thla khan a hriselna lam enkawl ṭha turin tour a chalwhsan thu a puang a ni.

Tuna Mk.gee nena an thawhdunna tur hi 2021 hnuah hla thar a tih chhuah hmasa ber tur a ni ang.