IPL-ah Anushka Sharma

PK film-a a changtunu chhe lo, fai tâwk kha, kha Anushka Sharma kha IPL ṭanna, April 7-a Kolkata-a neih turah a perform dawn tih Cricket Association of Bengal chuan a puang.

Indian Premier League vawi 8-na ṭan turin inbuatsaih chhoh mek a ni a, April 7 hian Kolkata-a T20-in IPL hi

khelh ṭan a ni dawn a, hetah hian Anushka Sharma hi a perform dawn a ni. Anushka Sharma hi cricket-ah hian mikhual a ni lo a, a bialpa, Virat Kohli hi Indian cricket huang chhung mai ni lo, khawvel huap pawha thiam leh ropui a ni.

IPL khuhhawnnaah hian Anushka leh a bialpa, Virat Kohli-a te pual hian hun bik eng emaw an siam tel dawn tih CAB chuan a tarlang bawk. Cricket World Cup-ah khan Kohli hian beisei a pha lo deuh a, a chhan ber chu Anushka vang hi a ni tiin social media lamah an sawi nasa hle.

Cricket World Cup-ah India an tlak hnuah Anushka hian Delhi-ah a bialpa, Kohli-a te chhungkua hi a tlawh. Kohli te hi Meera Bagh-a cheng an ni a, Zirtawpni kalta khan an ṭhian hnai tak Suresh Raina te an innei a, an inneihna hi an hmang a ni.