Paul-a lemah Hugh Jackman

Wolverine lemah ṭum khat chiah a chang leh dawn tih a sawi a, mahse Paula lema chan erawhah chuan buaina a nei lo. Australian actor hlawhtling Hugh Jackman hi Paula chanchin an siam turah a lemah a chang dawn.

Tirhkoh Paula chanchin film-a an siam turah hian a phurpui leh inrawlh turte hi an hraw hmel hlawm hle. Jackman hian Paula lem a chan dawn mai bakah a produce nghal dawn bawk a, Matt Damon leh Ben Affleck te pawh producer-ah hian an tel dawn bawk. Film-a chan tur hian Matt Cook chuan Paula chanchin hi a ziak mek.

Hugh Jackman hian Kristian a inti ngai lem lo nachungin a pa erawh chu Kristian piangthar ṭha tak a ni. Jackman-a pa hian Billy Graham-a thusawi a ngaihthlak hnuah a piangthar a, a fapa pawh hi Pathian thu chu a hrilh nasa ve hle ṭhin a, "Ka pa chu a kohhran mi em em a, ka inkhawm ve hi min duhsak hle ṭhin," a ti.

Matt Damon leh Ben Affleck te hian kum 1999 khan sakhaw kaihhnawih film, Dogma an lo siam tawh a, he film hi angel paihthlak pahnih (fallen angel) chanchin a ni. Sakhaw pawl hrang hrangte sawisel erawh an hlawh hle.

Tirhkoh Paula film-ah hian Damaska khaw daia Saula êngin a chhuntluk chungchang, chumi hnua a nun a lo danglam a, Paula a lo nih tak dan chanchin tarlan a ni deuh ber ang.