Antonio Banderas-a hoin Holy Week an serh

Paschal Triduum chu Catholic tamna apiangah an serh nasa lehzual emaw tih mai tur a ni a, Catholic nghet em em Antonio Banderas pawhin a serh uluk hle. Banderas hian Triduum mai bakah Palm Sunday aṭang tawh khan Malaga, Spain-a a pianna khuaah a hmang a, kohhran serh leh sang pawimawh tak takah a tel kim hle.

Paschal Triduum (ni thianghlim pathum - Good Friday, Easter Vigil leh Easter Sunday) te hmangin Antonio Banderas hi a bialnu Nicole Kimpel nen Spain-a Malaga khuaah hun an hmang a, kohhran kawngzawh pawimawh, procession-ah te pawh an tel a, an phur dun hle a ni. Antonio Banderas hi Catholic ruh tak a ni a, Kristiante hun pawimawhah chuan a tel ngei ngei ṭhin.

Tumkau Ni pawh khan Banderas hian kawrfual var leh lukhum dum khumin, kawngzawhnaah a tel a, hman kum khan Good Friday kawngzawhah, Kraws Kawngzawhah kraws putu a ni tawh bawk.