Isua lema chan dawnin Pathian aṬangin chhinchhiahna

AD: The Bible Continues-a a changtupa, Argentine actor, Juan Pablo Di Pace chuan he film-a Isua lema a chan hmain Pathian hnen aṭangin chhinchhiahna a hmu tih a sawi.

AD:The Bible Continues hi The Bible, minisreies hit tak chhunzawmna kha a ni a, hetah hian Isua thih hnua kohhran leh Chanchin Ṭha darh zel dan tarlan a ni.

"Isua lema chang tura min tih hma lawk hian, ka kal chhuak a, ka kal chhuahnaah hian sava rual thlawk hi ka hmu a, ka lu bulah an rawn thlawk kual a, ka hma takah chuan ṭhawngaleivir ang hi ka hmu bawk. Chu ṭhawngaleivir bulah chuan sava rual chu an thlawk a ni. Ka rilru chuan 'Eng thil nge maw thleng le?' tiin ka ngaihtuah a, chumi hnu lawk, minute 10 velah Isua lema chang tura sawmna phone call ka dawng nghal a ni," a ti.

Isua lema chan chu chawi­mawina ropui tak, a phu loh em em niin a sawi a, aman Isua lem a chang chu inhmeh lo a ti a, amah aia fel leh thianghlim zawkin chang se a ti hle a ni. "Kei ve tehlulin ka'n chang a ni a, inthlahrun a na duh ngaih ngaih khawp mai. Kan chhungkuaah pawh a black sheep ve deuh, a sual deuh ber kha ka ni si a," a ti. Juan Pablo Di Pace hi box office-a movie hlawhtling tak, Mamma Mia-ah pawh khan a chang tawh a ni.