Ṭhazual Awards an siam dawn

Zonet buatsaihin kumin hian Ṭhazual Awards siam a ni dawn a, tunah hian hma lak chhoh mek a ni. He awards hi Mizorama music huang chhunga awards rintlak berte zinga mi tura ngaih a ni.

Ṭhazual Awards-ah Zonet-in Ṭhazual Awards a buatsaiha top 10-a lang chin aṭanga thlan chhuah tur a ni a, amaherawhchu chart-a pakhatnaa lang hnem leh hnem lohin advantage a siam lutuk lo mai thei. Tehna hrang hrang siam a ni a, chumi hmang chuan selection committee-in an en ang a, annin an thehluh hnuah uluk taka thlir chhoh zel a ni ang.

He awards-ah hian category pasarih siam a ni a, Male Artist, Gospel leh Lengzem, Female Artist, Gospel leh Lengzem, New Artist, Gospel leh Lengzem leh Best Music Video te a awm ang.

Eng tika sem tur nge tih erawh a la sawi theih loh a, ruahmanna siam fel a ni tawh a, a kal pawh an kalpui thui hle tawh a ni. Music lama inchawimawina award fel leh rintlak tak kan nei chho dawn a, zaithiamte tan pawh a phurawm lehzual ang. Kum dangah hlung zawka kalpui zel a ni ang.