Zayn Malik-an nupui neih a tum

One Direction a chhuahsan hnuah, miin a bialnu a bum e, an tih, Perrie Edwards ngei mai kha Zayn Malik chuan nupuia neih a tum hnai niin Sunday Mirror chuan a tarlang. A nupui neihna tur hian tunah hian London-ah in lei tur a zawng mek.

Zayn Malik hian nupui neih a, in thara luh nghal a duh niin a lang a, lei tumin Hertfordshire-a Welwyn-ah in lian leh nalh tak, Tudor lalho rorel hunlaia an insak dan style-a sak in a en uluk hle. He inah hian mut pindan pasarih ngawt a awm a, bual pindan panga, mi kawmna leh dawnsawnna hmun panga a awm bakah, gym, games room leh motor 10 chuang zet dah theihna tur parking area pawh a nei.

Sunday Mirror-in a tarlan dan chuan Zayn hian kum hnih deuh thaw kalta khan Perrie nen hian inhualna an siam tawh a, tunah chuan neih tak tak a tum hnai tawh. Kumin chhung ngei hian a neih mai a rinawm hle.