Robin Williams a inhumhalh!

Comedian fam ta, Robin Williams khan a hming, signature leh thlalakte a lo humhalh hle mai. A thih hnu hian a thlalak emaw, a hming emaw, a signature emaw hi a duh duhina an hman leh an tar theih ngawt a ni lo, a thih hma khan copyright a lo siam vek.

Robin Williams hian a thih hma khan a hming, a signature, a thlalak, leh amah kaihhnawih thil reng reng chu Windfall Foundation chauhin an hman theih turin a copyrights vel a lo tifel vek a, a hun chhung pawh a thih aṭanga kum 25 chhung tur a ni. Hemi hun chhung hi chuan Windfall Fouandation lo chuan an hmang thei dawn lo. Chu chu August 11, 2039 thleng tur a ni.

Hetihlai hian a kalsan tak a chhungten a ro an inchuh. Robin-a nupui Susan Schneider leh a fate, Zachary, Cody leh Zelda Williams ten a ro an inchuh a, June 1 hian court hmaah an inlan ang.