Vanessa Hudgens-in Hillsong a fak

Australia-a kohhran nung tak, khawvel hmun hrang hrang branch church hawng a, rawngbawlna nung leh ṭhangchak tak thawk mek Hillsong Kohhran chu Vanessa Hudgens chuan a fak hle.

Hudgens chuan Hillsong Kohhran chu an kohhran member-te anmahni mimal nun leh Isua inkara inzawmna an siamsak thiam hle niin a sawi. Hudgens hi Catholic Kohhran aṭanga seilian a ni a, hun eng emaw chen a rinna a hlamchhiah viau hnuah tuna a ngaihzawng hi a fel a, hei hian a rinna pawh a tuaitharsak nasa hle.

Hudgens chuan tuna a bialpa, Austin Butler chungchang sawiin, "Ani hian ka rinna min tihtharsak a ni," a ti. Hudgens hian a bialpa avangin a rinnain chak thar lam pan chho zel rih mah se, Catholic-a a la ruh zel leh zel loh chungchangah erawh chuan chuti takin a ruh lo tih a sawi. New York Times-in an kawmnaah a rinna chungchang hi a sawi chhuak a ni. Hudgens chuan Hillsong United chu an zaithiam a ti hle tih a sawi a, Arcade Fire nen a khaikhin.

Hillsong hi kohhran hming a ni a, Australia khawpui lian, Sydney-a hmunpui nei an ni a, khawvel hmun hrang hrangah branch church an nei nual tawh a ni. Hillsong United hi Kristian rimawi chhungah chuan khawvelin an hriat lar a ni a, an hlawhtling em em. Tunhnai lawk khan hla thar an tichhuak a, an album thar pawh a chhuak thuai ang.