ICOM-ah Rema a chungnung ber

International College of Music (ICOM)-in April 3-a live perfor­mance hmanga intihsiakna a buat­saih pui berah Mizo tlangval, Lalremsanga, Rema chu a cham­pion.

ICOM hian Malaysia-a Recita Hall-ah intihsiakna a buatsaih a, hetah hian Rema hi a champion a ni. Rema hi ICOM-a Bachelor of Music (B.Mus) zirlai a ni a, Berklee Transfer Student niin, tunah hian 4th Semester a zir mek. ICOM

aṭang hian Berklee College of Music (USA)-ah a zir zawm leh ang. A principal instrument atan Bass Guitar hmangin, Bass Guitarist mai bakah India mi zinga ICOM Friday Night Performance Grand Finale Champion hmasa ber a ni.

Lalremsanga hi Lalchhawrkima leh Lalchhanhimi fate 3 (Mipa 2 leh Hmeichhia 1) zinga a upa ber niin, Mission Veng, Aizawl-ah an khawsa mek. Rev. Liangkhaia tuchhuan a ni.

Rema zirna tur Berklee College of Music aṭanga zir chhuak zinga kan hriat ve lar chu Steve Vai, Aerosmith-a mi Joey Krammer, Dixie Chicks-a mi Natalie Maines, John Mayer te an ni.